Guerra de trincheres

La guerra de trincheres o guerra de posición ye una forma de faer la guerra, na cual los exércitos combatientes caltienen llinies estátiques de fortificaciones cavaes nel suelu, denominaes trincheres. La guerra de trincheres surdió a partir d'una revolución nes armes de fueu. Hubo periodos de guerra de trincheres na guerra de Secesión (1861-1865) y na guerra ruso-xaponesa de 1904-1905, pero llegó al so puntu máximu de brutalidá y mortalidá nel Frente Occidental de la Primer Guerra Mundial. Algamaben una fondura d'ente unu y dos metros, y conectábense con otros pa mayor movilidá de los bloques de combate.